OTAR AGROEKLOGIKOAK
BERTAKO PRODUKTU EKOLOGIKOA, EKOIZLE ARABARREN ESKUTIK ZUZENEAN
Nor Gara?
Saskibarazki Arabako nekazari ekoizle ekologiko talde bat gara, gure produktuen salmenta elkarrekin egitea erabaki duguna, zuzenki, bitartekaririk gabe.
Zein motatako elikagaiak?
Saskibarazkin ohiko erosketa saskiko gauzarik gehienak aurkituko dituzue. Elikagai guzti hauek era ekologiko eta artisauean landuak izan dira, hurbilak direnaren bermearekin. Hala nola, garaiko barazki saskiak, ogia, ahuntz esnekiak, shitakeak, arraultzak, ardoa, sagar zukua, sagardoa, lekariak, irina eta haragia eskura daitezke besteak beste.
Nola egiten dira saskiak/poltzak?
Baratzezainek prestaten dituzte, 4-5 kilotako garaiko barazki sortarekin barruan, bai neguan nola udan. Urte guztian zehar prezio bera daukate , saskia jasotzean ordaintzen da. Urtaroaren arabera saski hauek askotariko produktu ezberdinekin beteko dira.
Aukeran eta aldez aurretik eskaria eginez, saskian lehen aipatutako beste edozein elikagai ere sar daiteke. Horrelakoetan eskatutako produkuei ez zaie inolako gain-preziorik ezarriko; prezioa ekoizle eta elaboratzaile bakoitzak jarritakoa izango da.
Nola lortu ahal ditugu elikagai guzti horiek?
Oinarria barazki saskiak dira, poltsa birziklagarri eta berrerabilgarrietan datozenak. Nahi izanez gero saskiari gainontzeko produktuak gehitu ahal zaizkio. Taldearen arabera, eskaria asteartetan arratsaldeko 18:30etatik 20:30etara edo ostegunetan goizeko 11:30etatik 14.30etara jaso daiteke Jose Mardones kaleko 6.ean, gure egoitzan. Beste aukera bat izan daiteke zuek zeuen taldea osatzea (5 edo 6 familia) eta ahal balitz banaketa antolatzea, eskaria guk geuk eramateko. Honetarako hoberena gurekin harremanetan jartzea eta hitz egitea litzateke.
Produktuen jatorria ezagutu daiteke?
Jakina. Gure baserri eta lantokiak irekita daude urte guztian zehar, elikagaiak nola lanzen eta ekoizten ditugun ikusteko. Horretarako aldez aurretik hitz egin beharko genuke bisita ongi antolatzeko. Bestetik, urtean zehar elkarteratze eta tailerrak antolatzen ditugu baratzerako eta instalazioetako ezagutza partekatzeko gure kontsumitzaileekin.
